මාලිංගගෙන් තවත් කඩුළු හරඹයක්!!!

ඔන්න මයියට කාලෙකට පස්සෙ බ්ලොග් එක පැත්තෙ මතක් උනා. දැන් ඉතින් කැම්පොස් පටන් ගත්ත නිසා, බ්ලොග් එකට සෙට් වෙන්න වෙන්නෙ නෑ. මොකද උස්ම ගන්නවත් බෑ වැඩ. ඒත් පොඩි වෙලාවක් ලැබුනොත් ඉතින් මේපැත්තෙ එන්නම් කෝ.......
මේක පරණ news එකක් වුනාට, මේක දාන්නම වෙනව. පහුගිය දවස්වල ලංකාවෙ ක්‍රිකට් කණ්ඩායම ඕස්ට්‍රේලියව සමග එක්දින තරඟාවලියක් පැවත් උනා. ඒත් එතින් තරඟාවලිය නම් එච්චර අපේ අයියලාට සුභ දායක උනේ නම් නෑ. මොකද තරඟ 3-2 වශයෙන් ඕස්ට්‍රේලියව ඒක දිනපු නිසා...
ඒත් ඉතින් අපේ ගෝලයොන්ගෙ හැටි දන්නවනේ.ඒ කට්ටියට එහෙමම කප් එක අරන් යන්න දුන්නත් නෑ...මොකද අවසන් තරඟයේ අපේ මාලිංග කොල්ල උන්ට කොරපු වින්නැහිය දැක්කහම!!!.ඉතින් බලපු අය නම් දන්නවනෙ සිද්ධිය...ජයග්‍රාහී තෙවන වතාවටත් හෙට්ට්‍රික් එකක් කොටාගත්ත. අපිනම් අහල තියන හැටියට ඕස්ට්‍රේලියවට එරෙහිව හෙට්ට්‍රික් එකක් ගන්නව ගියන්නෙ හීනයක් වගේනේ. ඒත් ඉතින් ක්ලාක් මහත්තයො සොරි වෙන්න ඕන..ඕං ඒකත් ඔහෙලට නොමිලේම අපේ මාලිංග කොල්ල කොරල දුන්න. අනේ මන්ද නෝන්ඩියටද දන්නෙනෑ..මිනිහ මාධ්‍යය සාකඡ්චාවෙදි නම් කිව්වෙ ඊලඟට එන ටෙස්ට් තරඟයට මාලිංගව දකින්න නොලැබීම කණගා‍ටුවට කරුනක් කියලයි. ඔය ඉතින් කාල තව ඉල්ලගෙන කන්නත් හදනව, ඕකටතමයි ක්ලාක් මහත්තයෝ කියන්නෙ ඇදගෙන නෑම කියල......බයවෙන්න එපා මිනිහ එන එකක් නෑ.
මෙයාලගැන කතාකොරල හෙට්ට්‍රික් එකත් අමතකවෙනව. පලවෙනියටම ඔය බෝධි පූජාවට අතගැහුවෙ ඉතින් අපේ ජොන්සන් අයිය. අනේ මන්ද මයියගෙ මතේට අනුව මෑතකදි මලිංග අයිය දාපු යෝකර් වලින් හොඳම යෝකර් එක තමා ඒ..
ඊලඟට බඩු හම්බුනේ ජෝං අයියට, සුපිරිම රිවර් ස්වින්ග් එකක් වැ‍ටුන මිනිහගේ කකුලටම. අන්තිම පූජ වට්ටියට අතගැහුවෙ අපේ ඩො(ර)ති පොඩි කොලුව. මිනිහටත් ජෝං අයියට දැම්ම බෝලෙම තමා....
ඔන්න ඔහොම තමයි අපේ මාලිට හෙට්ට්‍රික් එක වැ‍ටුනෙ. ඒවෙලාවෙ විස්තර විචාරවරයාගේ කටින් පිටවුනේ "This man is amazing" කියලයි!
මොකද එම හෙට්ට්‍රික් එකත් සමග, අන්තර්ජාතික ක්‍රිකට් ඉතිහාසයේ කඩුලු ත්‍රිත්වයක් හිමිකරගෙනසිටින එකම පන්දු යවන්නා බවට පත්වී හමාරනිසා!
ඉතින් මාලිංග අයියා ඔහොම යං දිගටම .....

phone එකෙන් සිංදු අහන්න ගිහින් වෙච්ච ඇබැද්දිය!

ඉස්සෙල්ලාම හුඟකාලෙකින් රසකතාවක් ලියන්න බැරිවෙච්ච එක ගැන පොඩ්ඩක් සොරි වෙන්න ඕන.....

A/L කාලෙදි එක එක පිස්සු එනවනෙ,ඔන්න ඉතින් ඒවෙනකොට ඔය ෆෝන් පිස්සුවත් ජයට තිබුන.ඉතින් කොල්ලො එක එක විදියට ෆෝන්ස් අරන් එක එක සෙල්ලම් දැම්ම.ඔය අතර ඕව ටික ටික ඉස්කෝලෙ පන්තියටත් ගේන්න අපේ එව්වො පසුබට වුනේනම් නෑ. ඉතින් පොඩි ඕෆ් පීරියඩ් එකක් සෙට් උනාම,පොඩ්ඩක් වැඩකරල හතිවැ‍ටුනම කාගෙහරි ෆෝන් එකකට සෙට් වෙලා එක්කො TV බලනව එක්කො සිංදු අහනව. ඉතින් අර අයිතිකාරයගෙන් උදේ පාන්දර ෆෝන් එක ගත්තහම මිනිහට ආපහු ලැබෙන්නෙ ඉස්කෝලෙ අන්තිමේදි තමයි,එතකන් ෆෝන් එක පූජවට්ටිය වගේ අතින් අත පාස්වෙවී යනව. ඔය අතර පංතියට ෆෝන්ස් ගේන කීපදෙනෙක්ම හිටිය; ආරම්භයේ සිටම ගෙනාපු පිරිස අතර අපේ නි_ _ සහෝදරය, දී_ල සහෝදරය,සිවිත් සහෝදරය, ඒතර ප්‍රධාන තැනක් ගත්ත අය තමයි. පසුකාලීනව ඒ අතරට බොහෝපිරිසක් එකතු උනා....ඔන්න ඒ ටික නමින්ම කියන්නම්කො....එක්කො ඕනනෑ එතකොට ගතියක් නෑනේ!......
පලවෙනියටම අපේ චිම්(මොහොමඩ්) සහෝදරය තමා, ඊටපස්සෙ පියුෂා_ , හා..! අපේ ඕවිඳ, මිනිහත් ඒකට සෙට් උනා. අපරාදෙ කියන්නබෑ  මිනිහගෙ පිහිටෙන් තමා අපි පංතියේදි TV එක බැලුවෙ..! "ඔය ඉතින් කිවුවෙ ටිකක් ප්‍රචලිතම අයගෙ නම් තමා, අනිත් අය ඉතින් තරහ වෙන්න නම් එපා"..............!!!............

සරසවි බිම හා සරසවි සිසුවාගේ අනාගතය!

නූතන මානවසමාජයේ අබි වෘදිය කෙරෙහි බලපාන්නාවූ හේතුප්‍රත්‍යක්ශ අතර රටක තිබෙන්නාවූ සාක්ෂරතාව  ඍජු බලපෑමකට ලක්වීම සිදුවේ. එය හුදෙක් රටක සාමාජික මට්ටම මෙන්ම, ආර්තික මට්ටම කෙරෙහිද ඉතා සූක්ෂම අයුරින් අවධානයට ලක්වීම සිදුවේ. එය රන්කිරි කටගා  ගල්ලෑල්ලේ අකුරු කොටන්නාවූ මොන්ටිසෝරි ලදරුවා සිට රටකට බුද්ධිමතුන් බිහිකරන්නාවු සරසවි බිමේ කොල්ලා කෙල්ලා දක්වායන මාර්ගයේ දිස්වන්නාවූ දර්ශණයකි. වර්තමානයේ සුභ අනාගතයක් යැයි පුරසාරම් දොඩනා රටේ ඇතැම් වගකියයුතු පාර්ශවයන් රටේ විශ්වවිද්‍යාලීය සිසුන් හට තිත්ත බෙහෙත් පොවා ,තිත්ත ටොපියක් බැස්සවීමට අරාදින  ආකාරයයි. රටක උගතුන් බිහිකරන්නාවූ කේන්ද්‍රස්ථාන සඳහා අද කුඩම්මාගේ සැලකිලි ලබමින්, සරසවි අධ්‍යාපනයට අදවනවිට කනකොකා හඬා ඇත. අද වනවිට දේශනශාලා අමුසොහොන් පිට්ටනියක් මේන්, පාලු අම්බලම් මෙන් ගොඩනැගිලි වලට පමනක් සීමාවී ඇත. සරසවි ඇදුරන්ගේ සැබෑ තත්වය පිච්චියකටවත් මායිම් නොකරන දේශපාලනඥයින් බඩගෝස්තරවාදය ‍රැකගනුපිනිස අද වනවිට රටේ සරසවි අධ්‍යාපනය බිල්ලට දීමට සැරසීසිටී. රටේ උගතුන් බිහිකරන්නාවූ උගතුන් හට සිදුකරන්නාවූ සමාජ අසාධාරණය,රටේ අනාගතයක් භාරවසිටින මුලුමහත් විශ්වවිද්‍යාලීය ශිෂ්‍ය ප්‍රජාව වෙනුවෙන් දැඩිලෙස හෙලාදකින්නෙමු.
අදවනවිට සරසවි ගුරුන්හට ලැබෙන්නාවූ වැ‍ටුප ලෝකයේ අන්කිසිම රටකටත් වඩා පහල මට්ටමක පවතී. අධාපන මට්ටමට අනුව රටක ඉහලම වැ‍ටුප් දැරියයුතු පිරිස අතර ඔවුනට ලැබීඇති ස්ථානය කුමක්ද?
මෙහි සියලුම වගකීම් දැරියයුත්තේ රටක් පාලනය කරනා රජයක් විසින්ය, කොටින්ම අමාත්‍යංශයක් පාලනය කරනා මැති ඇමති ගොල්ලන් හටය.කනගා‍ටුවට ඇති කරුණනම් රටේ අධ්‍යාපනය වෙනුවෙන් රජයක් ලෙස ක්‍රියාකර ඇති ආකාරයයි. පසුගිය වසර දෙකතුලදී අධ්‍යාපනය සඳහා දළ ජාතික නිෂ්පාදනයෙන් වෙන් කල අගය 2.1% වන අතර, එයින් උසස් අධය්‍යාපනය වෙනුවෙන් වෙන් කර ඇති ප්‍රමානය 0.5% පමන අඩු අගයකි. එය අනෙකුත් රටවල් හා සංසන්දනයේදී ඉතා කනගා‍ටුවට ලක්වියයුතු කරුනකි.උදාහරණයක් ලෙස සාක්ෂරතාව අප රටට වඩා පහල මට්ටමක ඇති මොන්ගෝලියාව 9% ද,කියුබාව 18.7% ද,යේමනය 9.5% ද, මැලේසියාව 8.1% ද, ඔවුන්ගේ දළ ජාතික නිෂ්පාදනයෙන් අධය්‍යාපනය සඳහා වෙන්කර ඇත. 2008 වසරේ සංඛ්‍යා ලේඛන වලට අනුව අධය්‍යාපනයට 2.31% ක් වැය කරද්දී ,උසස් අධය්‍යාපනය සඳහා වැය කර ඇත්තේ 0.31% ක් බවයි. එම වසර රටේ පැවති වාතාවරනය අනුව යුද්ධය මත එම වරද පැටවිය හැක, එය මුළු මහත් ජාතියක් වෙනුවෙන් එකාවන්ව ඉවසා දරා සිටි සිටියේය. එයට සරසවි ඇදුරන්ගේද නොමද සහය ලැබුනි, මක්නිසාදයත් ඔවුන් විසින් එම අවස්ථාවේදී තමාට ලැබෙන්නාවූ මාසිකවේතනය වෙතබලා ලදදෙයින් සතු‍ටුවී යුධ ජයග්‍රයනයට දැක්වූ නොමද සහය නිසාවෙනි. නමුත් අදට යුද්ධය අවසන්වී වසර දෙකක කාලයක් ගතවී ඇතත්,අපි යුද්ධයෙන් පසුවද දළ ජාතික නිශ්පාදනයෙන් 3.5%ක් වූ පුළුල් අගයක් ආරක්ෂා කටයුතු සඳහා වෙන්කර තිබීම විහිළු ගන්වන කරුනකි. යුද්ධය පවතින අවදියේදී වෙන්කරාවූ මුදල් ප්‍රමානයට ආසන්න ප්‍රමානයක් යුධ වාතාවරනයක් නොපවතින වර්තමානයේ වෙන් කිරීම සැබවින්ම පුදුමය දනවන සුළුය. රජය හට මෙම සරසවි ඇදුරන්ගේ අරගලය සඳහා මෙමගින් විසඳුමක් දීමට අපොහොසත් වන්නේමන්ද?
 සුභ අනාගතයක් පෙර‍ටුකොටගනිමින් පසුගිය දෙවසර තුලදී මහින්ද චින්තනයයටතේ සිරිලංකාවේ හතර දිග්බාගයේ ඉදිකෙරුනු ඉදිකිරීම් සලකාබැලීමේදී රටට සිදුකල ලාබය කුමක්ද යන්නයි! මෙම වසරේදී ක්‍රිකට් ලෝකකුසලාන තරඟා වලියේ සත්කාරකරටක් ලෙස කටයුතු සිදුකිරීමට හැකිවීම සතුට දනවන කරුනකි. කනගා‍ටුවට ඇති කරුනුනම් මෙයින් ඇතිවූ ලාභය කුමක්ද යන්නයි. අද වනවිට ක්‍රිකට් පරිපාලන කමි‍ටුව පත්වීඇති මූල්ය්‍යමය වංචා හා තරඟ ප්‍රවේශපත්‍ර වලින් ඇතිවූ පාඩුව නම් සුලුප‍ටු නොවේ, මෙතරම් ධනස්කන්ධයක් නාස්තිකිරීම රටක අනාගතය භාරගන්නා ඉදිරිඅනාගතයට මරුපහරකි.  තවද ලෝකයේ ලොකුම පිටිය යැයි පවසමින් සිදුකලාවූ ඉදිකිරීම,කෙතරම් මහජන මුදල විනාශ කිරීමක්ද? මෙහි වරද ඇත්තේ පිටිය තැනීම නොව පමනට වඩා ඔද තෙද පෙන්වීමටයාමය. එම පිටියේ තරඟ නැරඹීමට අපිද ගියෙමු, පන්දුව නැරඹීමට දුරදක්නයක් සෑම ප්‍රේක්ශකයකු හට ලබාදියයුතුය, එතරම් වපසරියක් එයට වෙන්කොට ඇත. සෑම  ප්‍රේක්ශකයකුම හට පන්දුව දැකබලාගැනීම නොහැකි පිටියකින් ඇති ඵලය කුමටද? මෙවැනි කිසිම හරයක් නොමැති ක්‍රියාවන් සඳහා මුදල් ප්‍රතිපාදන වෙන්කිරීම කෙතරම් අනුවණ ක්‍රියාවක් නොවේද? මෙවැනි කාබාසිනිකර දමනා මුදලින් සරසවි ගුරු වැ‍ටුප් අර්බුදය විසඳා රටේ බුද්ධිමතුන්හට ඔවුන්ගේ නිදහස් අධය්‍යාපනයේ පහස හරිආකාරයකින් විඳීමට අවස්ථාව සලසා ලබාදිය යුතුය.
උසස් අධය්‍යාපන අමාත්‍යවරයා පවසන පරිදී එම වැ‍ටුප් වඩිකිරීම නොහැකිබවත්,එසේ වැඩිකරතොත් රටේ අනෙකුත් පාර්ෂවයන්ගේද වැ‍ටුප් වැඩි කලයුතුබවයි. තවද ඔවුන්ගේ වැ‍ටුප් වැඩිකිරීම අසාධාරණ බවයි. අවධාරණයෙන් කිවයුතු කරුනක් වන්නේ; ඔවුන් ඉල්ලා සිටින්නේ වැ‍ටුප නොව උසස් අධ්‍යාපනයට හිමි නිසි ගෞරවය යලි දිනාගැනීමටය. එසේ ප්‍රකාශකරදී ආණ්ඩුවේ භාන්ඩාගාරයේ මුදල් නැතිබව ප්‍රකාශ කරමින් සිදුකරනා ප්‍රෝඩාකාරී දෙබිඩි ප්‍රතිපත්තීන් ඇත්තෙන්ම පිළිකුල් සහගතය. ආචාරවරුන්ගේ වැ‍ටුප් ඉහල දැමීම සඳහා  වැයවෙන මුදල රු.මිලියන 2000 කි. මෙම ප්‍රමානය ගෙවීමට නොහැකියැයි කන්කෙඳිරිගානා ආණ්ඩුව රටේ මහජන මුදල් කෝටි ප්‍රකෝටි ගනනින් විනාශකල ආකාරය කෙතරම් අමානුෂික නොවේද? පසුගියදා ආණ්ඩුව විසින් ඇමරිකාවෙන් ගෙන්වන ලද අති සුඛෝපබෝගී ලිමොසින් රථ තුන සඳහා වැයකල මුදල මිලියන 2100කි. තවද අයිෆා උළෙල සඳහා විනාශ කල මුදල මිලියන 100කි, හමුදා පුහුනුව සඳහා වැයකල මුදල මිලියන 900කි. ආණ්ඩුව විසින් විනාශ කලාවූ මේ විශාල ධනස්කන්දය ආචාර්ය්‍ය වැ‍ටුප් වැඩිකිරීමට යෙදවූයේ නම් , වර්තමානයේ සරසවි සිසුන්හට මෙවැනි සෝචනීය තත්වයකට වැටීමට ලක් නොවෙනුඇත.
අවසානයට ආණ්ඩුවට හා එක එක පරිපාලන දූෂකයන් හට ප්‍රකාශකිරීමට දෙයක් ඇත! රටේ සිටිනා බුද්ධිමය ප්‍රජාවහට ඔබලා විසින් සිදුකරනා සැලකීම ඉතා පහත් ගනයේය. ආචාර්ය්‍යවරයෙක් යනු රටකට සිටිනා බුද්ධිමය දේපලකි, ඔවුන් ‍රැකගැනීම මුලුමහත් ශ්‍රි ලාංකික ජාතියක් වෙනුවෙන් සුදුකරනා මහඟු සේවයකි. පරදේසක්කාර සල්ලිකොල සුවඳට ලොල් වෙමින් ජාතිය පාවාදෙන ඇතැම් දේශපාලුවන්හා, ඔවුන්ගේ හෙන්චයියන් රටේ ජාතික ධනය සූරාකනවිට, රටේ නොදියුනු බාවය තවතවත් ඉස්මතුවේ. මේ අනුව ඉමහත් බලාපොරොත්තුවෙන් සරසවි බිමට පා තබනා, අසරණ දෙමාපියන්ගේ දරුවන්හට සිදුවන්නාවූ අසාධාරණය මෙපමනයිකියා කිව නොහැක. අවසානයේ ඔවුනට සිදුවන්නේ හැමදාමත් පාරක්,වටරවුමක් අසල බෝඩ්කෑලි ඔසවමින් උද්ඝෝෂනය කිරීම පමනි. දැන් මෙය වෙනස් කිරීමට කාලය පැමින ඇත, සරසවි සිසුවනි ඔබගේ ජවය පෙන්වීමට ඇති හොඳම කාලය එලෙඹ ඇත,අපි එක්වෙමු, සරසවි නිදහස ජයගමු!!!!

Cpanal බාවිතයෙන් wordpress සිංහල බ්ලොග් එකක් සෑදීම(How to make a wordpress sinhala blog using cpanal)

නොමිලේ බ්ලොග් සපයන්නන්ගෙන් wordpress වලට හිමිවන්නේ සුවිශේෂ ස්ථානයක් ,මන්දයත් මෙමගින් සිංහල බ්ලොගයක් පහසුවෙන් සාදාගතහැකි නිසාය.නමුත් මේක මයියට හරියට කරගන්න ගොඩක් මහන්සි උනා. මොකද මේකට hosting account එකක් පවා අවශ්‍ය වෙනව. මයිය කලින් පොරොන්දු උනා වගේ wordpress සිංහල බ්ලොගයක් සාදන ආකාරය පියවරෙන් පියවර රූපසටහන් සහිතව කියල දෙන්නයි මේ හදන්නෙ!

මුලින්ම 10xhosting එකෙන් hosting account එකක් සාදාගතයුතුය.ඒසඳහා Free Hosting කරන්න නම් "10hosting"!!!! වෙත පිවිසෙන්න.


1).10xhosting සර්වරයේ වර්ඩ්ප්‍රෙස් සඳහා MySQL දත්තගබඩාවක්(database) සෑදීම.
 දැනටමත් සදාඇත්නම් එයට log වන්න...................

සර්වලෝකපූට්‍ටුවෙන් ෆෝන්ස් පාස් කරපු හැටි!!!!

මයියගෙ 13E පන්තිය කියන්නෙ ආතල් වලින් පිරිච්ච පට්ට පන්තියක්, එක එක දවසට අමුතු ආතල් වැඩ උනේ! මේකත් ඒවගේම සිද්ධියක් තමා!
මයියලාගේ පන්තිය තිබුනෙ L-Block පන්තිකාමර කොටසෙ මුල්ලෙමයි(එල් අකුර් ලියනකොට හැරෙන තැන),ඒකට L-Block කිව්වෙ කාමර පේලිය එල් අකුර හැඩයට පිහිටල තියන නිසා! අනික පන්තිය පන්ති තුනකට මැදිවෙලා,ඒ කිව්වේ කාමරයේ බිත්ති තුනක්ම full cover .ඒ හැම බිත්තියක්ම එහා පැත්තේ පන්තිකාමර.
ඉතින් ඔය කාමරයට "පෝරනුව" කියල නමකුත් තිබුන,ඒමොකද ටිකක් රස්නෙ නිසා!
ඕක තමා මයියලාගේ පන්තිකාමරයේ පිහිටීම!!!

සාමාන්‍යන් ඉස්කෝලේ නීති ටිකක් තදයි!, මොකද අතීතෙ ඉඳන් විනයට බර පාසලක් නිසා.....ඉතින් ඉස්කෝල ළමයින්ට කාටවත් Hand Phone වගේ දේවල් ගේන්න බෑ. check කරනකොට මාට්‍ටු උනොත් පට්ට ලෙඩේ!!!....

අපේ සෑර්ට උදේ පාන්දර දාඩිය දාපු හේතුව!

අදත් Back 2 School එකෙත් කථා නායකය වෙන්න වෙන කවුරුත් නෙමේ අපේ සෑර්ම තමා..ස්ථානය අපේ පුංචි පංතිය තමා.මේකත් සෑර්ට වෙච්ච ඇබැද්දියක් ගැන තමා...
ඕ....න්න එදත් සුපුරුදු විදියට සෑර් ඇවිත් වැඩ පටන් ගත්ත. පාඩම කරනව! ගනන් දෙනව! ,පාඩම කරනව! ගනන් දෙනව!. අපේ සෑර්ට ඉතින් එකතැනක ඉඳන් පාඩමක් කියල දෙන්න බෑ, කියල දෙනකොට අරෙහෙට යනව මෙහෙට යනව, ඒත් එකෙ පොඩි ආතල් එකක් තිබුන! අනික පොඩ්ඩක් ගානක් දීල එහෙම හුලන් වදින්නත් එක්ක සෑර් පොඩ්ඩක් එලියට ගිහින් එනව! එහෙම එලියට ගිහින් කනුවකට අත තියාගෙන, නිකන් කණුවට ජැක් එකක් ගහගෙන පොඩි සින්දු කෑල්ලක් දෙකක් කියාගෙන ඉන්නව...සමහර දවසට ඇහෙනව........."සමන්..මල් පියල්...ලේ......සඳේ....‍රැස් කැරල්....ලේ...."...................ඒ..ත්............

මොකක් ද මේ ඇටකොම්බස්සාව...?

මේක මයියට මතක් වුනේ, මේ ලඟදි Youtube එකට මයියගෙ පන්තියේ කොල්ලෙක්(මිනිහට කිවුවේ කළාකාරය කියල) upload කරල තිබුන වීඩියෝවක් දැකල........ගොඩක් ස්තූතියි මතක්කරාට!

ඉතින් මේක උනේ අපේ වෙසක් සතිය දවසේ වෙසක් කූඩු හදනකොට, මයියලගේ පන්තියත් ජයට වැඩේට බැස්සා, අපේ සෑර් උනත් කොල්ලොන්ට ෆුල් සපෝට් එක දෙනව, සෑර් කිව්වෙ "අයිෂේ......මට නම් ඕන කූඩුවක් ඔට්‍ටුයි" කියල. කොල්ලො සෙට් එක බට කපාගෙන ඇවිත් එක එක පට්ටම්වල කූඩු හැදුව.......

ගෘහ නිර්මාණ ශිල්පයට කැමති අයට ගෙවල් හදන්න....Softwear එකක්

මෙන්න තවත් සිරා සොෆ්ට්වේර් එකක් තියනව ගෘහ නිර්මාණ ශිල්පයට කැමති කට්ටියට!
3D Max ,Maya වගේ Software  වලින් කරනව වගේ මේක සංකීර්ණ නම් නෑ.....ඉතාපහසුවෙන් නිවසක අකෘතියක් සදාගැනීමටත්, ඒවාට අවශ්‍ය ගෘහ භාණ්ඩ අලුතින් සෑදීමක් නොකර...ඇතුලත් කරන්න පුළුවන් වෙනව......
ඒවගේම දොර ජ්නේල වලට අවශ්‍ය තිර රෙදි පවා අවශ්‍ය ස්ථානයට ඇද දමමින්, නිවස අලංකාර කිරීමට හැකියාව තිබෙනවා.
මෙතනින්  බාගන්න>>>>Download Sweet Home 3D

අපේ සෑර්, මස්සිනා එක්ක කළ උගුඩු දඩයම........

අපේ සෑර් කියන්නේ ඉතින් කථා පෙට්ටියක් කියල මම කලින්ම කිව්වනෙ.....අද Back 2 School එකෙන් අපේ සෑර් ට වෙච්ච ඇබැද්දියක් ගැන කියන කථාවක්. දවසක් සෑර්ගෙ ගමේ විස්තරයි,ඉස්සර කාලේ ගැනයි හෙන ටෝක් එකක් දීගෙන හිටියෙ...
මේකට අසරණ උගුඩුවෙකුත් ගෑවුනු කතාවක්........

ඉතින් සෑර් ඒවෙලාවෙ මස්සිනා ගැන කථා කරකර ඉන්නකොට සෑර්ට මතක් උනා මේක කියන්න.

Ebooks නැරඹීමට,ලබා ගැනීමට MartView Download කරගමු!!!!!!!!

E-books කියල කියන්නේ අන්තර්ජාලය බාවිතා කරන්නන් අතර විවිධ තොරතුරු ලබාගැනීමට ඇති අවස්ථාවක්!
ඒ අතර සඟරා, ලිපි, නව කථා ද වැදගත්  වෙනව..මේ සියල්ල අප විසින් අන්තර්ජාලයෙන් ලබාගත් විට ඒවා ඇත්තේ බොහෝවිට PDF Files ලෙස වේ!
එම ලබාගත් ‍files පහසුවෙන්,ඒ වගේම සිත් ඇදගන්නා ආකාරයෙන් නැරඹීමට  මෘදුකාංගයක් ලෙස MartView නම් දරා සිටිනවා!!!!



  මේතනින් බාගන්න>>>> Download MartView Here

මෙහිදී පොතක පි‍ටු පෙරලා බලන ආකාරයට තමාගේ E-books ‍file එක, සඟරාව මෙය හරහා අලංකාර ලෙස නැරඹිය හැක. තවද  මෙහිදී ඩොව්න්ලෝඩ් E-books මගින් අන්තර්ජාලය ඇති අවස්ථාවක පහසුවෙන් එබූක්ස් ලබාගතහැක. එහිදී විවිධ කාණ්ඩ යටතේ E-books තේරිය හැක!
මෙමගින් E-books එකක් සාදා ගැනීමටත් එය Upload කිරීමටත් පහසුකම තියනවා.......
MartView පරිගනකයේ ස්ථාපනය කොට විවෘත කලවිට දක්නට ලැබෙන  MartView user guide තුලින්  MartView බාවිතා කරන ආකාරය දැනගත හැක!!!!!!!!

මේතනින් බාගන්න>>>> Download MartView Here

සිංහලෙන් ටයිප් කරන්න ලේසිම ක්‍රමය....Singreesi Unicode

සිංහල බ්ලොග් කරනයේදී බ්ලොගර් හිමිකරුවාට තමා විසින් ලියන ලිපි සිංහලෙන් ලිවීමට සිදුවේ. එවැනි අවස්ථාවක සිංහලෙන් ලිපි ලිවීම සාමාන්‍ය අයුරින් එනම් විජේසේකර යතුරු පුවරුව බාවිතයෙන් ලිවීම තරමක් අසීරුය!
මෙයට පිලිතුරක් ලෙස මොර‍ටුව විශ්වවිද්‍යාලයෙන් "Singreesi" Unicode නම් මෘදුකාංගයක් මගින් පහසුවෙන් සිංහලෙන් ලිවීමට හැකියාව පවතී.
උදාහරණයක් ලෙස ,

"mayiyaa" ලෙස සිංලිශ් වලින් ලිවූවිට.....
ඊට ඉහලින් ඇති කො‍ටුවේ සිංහලෙන් "මයියා" ලෙස ලියවේ.

Singreesi Unicode software මෙතනින් ඩොව්න්ලෝඩ් කරගන්න!!!!>>> Download Singreesi Unicode software

අපේ කොල්ලො බල ලකුණු කර හැටි!!!

මේක අපේ A/L දවස්වල එහා පන්තියේ කොල්ලො දෙතුන් දෙනෙකුට වෙච්ච පොඩි සිද්ධියක්! ,ඒත් මයියට කවුද කියල නම් මතක නෑ........
 එහා පන්තිය භාර වෙලා තිබුනේ pysics කරන අපේ මුණසිංහ සර්ට! ඕක කෙටි වෙලා "මු_" කියල තමා ප්‍රචලිත!!.

ඔන්න එදා ඒවෙලාවෙ උන්ට තිබුනෙ physics, ටිකක් වෙලා පාඩම කරල එහෙම ,සෑර් ගානක් දීල යන්න ගිහිල්ල තියනව. ඔයාල දන්නේ නැති උනාට මුණසිංහ සෑර්ට පොඩි පොඩි වැඩ තිබුන.
අපේ එවුත් ඉතින් දඩි බිඩි ගාල ඉවරවෙලා පෝඩ්ඩක් පන්තියෙන් එලියට යන්න තමා ආසාව! ඔහොම වැඩටික එවරවෙලා අපෙ කොල්ලො දෙතුන් දෙනෙක් ගියා පොඩ්ඩක් එලියට වතුරටිකක් බොන්නද කොහෙද...මුන් ගියා ගියාමයි එන පාටක් නැ!
ඔය අතරෙ ඒ දවස්වල ඉස්කෝලෙට විද්‍යාපීට වලින් අලුත්, වැඩි වයසක් නැති මිස්ල ටිකක් ඇවිත් හිටිය...කරුමෙ කියන්නෙ ඒ ටිකත් ඒවෙලාවෙ ඒහරියෙ කරක් ගහල හිටියෙ! අන්න ඒකයි අපේ එවුන් පොඩ්ඩක් පරක්කු.....
ඔහොම ටිකක් වෙලා අපේ එවුන් එතන බලාගෙන හිටිය! කොහේද මුන්ට ඒවෙලාවෙ සිහියත් නෑනේ! මුන් දැක්කෙ නෑ සෑර් ලඟට එනකම්!
සෑර් ලඟට ඇවිත් කියපි මෙන්න මෙහෙම..............

සෑර්:- "මොකෝ.... තමුසෙල එකතුවෙලා අර මිස්ලගෙ ඇඟේ බල ලකුණු කරනවද"

උන්ට කට උත්තර නැතිඋනා සෑර් අහපු ප්‍රශ්නෙට..වසලැජ්ජාවයි!
උන්ටික හිනා වෙවී දඩිබිඩිගාල උන්ටික පන්තියට දිව්ව  ලැජ්ජාවටත් එක්ක!.............

Dabangg ගියවසරේ හොඳම චිත්‍රපටය ඇතුලුව සම්මාන 10කින් අභිශේක ලබයි!!!!!!!!

IIFA සම්මාන උලෙළ කියනෙ බොලිවුඩ් තරු ගියවසරේදී රඟනලද චිත්‍රපට සඳහා.. ඒ කට්ටියගේ වැඩකිඩ බලන මහා සම්මාන උලෙළයි.....පසුගිය වසරේ ලංකාවේ පැවිති උලෙළ, මෙවර ජුනි 23 සිට 25 දක්වා කැනඩාවේ ටොරන්ටෝ අගනුවර උත්සවශ්‍රීයෙන් පැවතුනා............
සුපිරි බොලිවුඩ් තරු පෑයූ ඒ මනරම් රාත්‍රියේදී පසුගිය වසරේ ජනප්‍රිය චිත්‍රපට ‍රැසකට සම්මාන වලින් පිරිනැමුනා............
මේ අතර හොඳම චිත්‍රපටය,හොඳම ශබ්ද පටිගතව කිරීම,හොඳම නර්තන රචනය,හොඳම සංගීතය,හොඳම පසුබිම් ගායකයා හා ගායිකාව, හොඳම දුෂ්ඨ චරිතය හා හොඳම රූපරචනය ඇතුලු සම්මාන රාශියකට වගකියනු ලැබුවේ ,සුපිරි තරුවක්වන සල්මන් ඛාන් රඟනයෙන් දායකවූ

"Dabangg"

චිත්‍ර පටයටයි!!!!!!!!!!!

මෙහිදී හොඳම අධ්‍යක්ෂක ලෙස My Name is Khan අධ්‍යක්ෂනය කර Karan Johar හටත්!
හොඳම නළුවා ලෙසින් My Name is Khan චිත්‍රපටයේ Shahrukh Khan  හටත්!
 හොඳම නිලිය ලෙසින් Band Baaja Baaraat චිත්‍ර පටයේ Anushka Sharma ටත් හිමිවී තිබුනා....

" හ්හ්හ්... අයිසේ..... සොයිසටවත් බෑ...... මගේ පේපරයකට...ස්ස්ස්සීයක් ගන්න....."

මේවෙනකොට අපි A/L පන්තියට ඇවිත් අවුරුද්දක් විතර වෙනව! දැන් මේවාරයේ විභාගෙත් අතලඟ. ඉතින් කෂ්ටියම පාඩ්ම් කරනව ජමරෙට, ඒවගේම ඉස්කෝලේ පහුගිය අවුරුදු වල තිබුන ප්‍රශ්න පත්තර හෝගාල කරනව...
ඉස්කෝලෙ පේපරේට හොඳට ලියන්න නම් පේපරේ හදන කෙනා කවුද කියල දැන ගන්න ඕන, ඉතින් කාටත් ප්‍රශ්නයක් වෙලා තිබුනෙ කවුද මේ සැරේ applied පේපරේ හදන්නේ කියල. ඔහොම ඉන්නකොට දැනගන්න ලැබුන කොල්ලොන්ගේ මයිල් ස්මයිල් වෙන නිවුස් එකක්!
මෙදා සැරේ අප්ප්ලීඩ්ඩ් එක හදන්නෙ අපේ applied චක්‍රවර්ති නිමලරත්න මයා කියල.
කොල්ලොටික පේපරේට තියන ආසාව හිතෙන් අත්හැරගත්ත....,
ඒ මොකද කියල පොඩි නිධාන කතාවකින් කියන්නම්!

මයියගෙ සටහනේ 13වෙනි දිනට බ්ලොගය නැරඹූ වාර ගනන දහස එක්මවා යයි!!!!!!!!

මයියගෙ සටහන පටන් අරන් අදට දින 13 ක් උනා....ඒ සුලු කාලයක් තුලදි මයියගෙ බ්ලොග් එක ගොඩක් අය නැරඹුව,කොමෙන්ට් කරා මයියට ගට දුන්න!
ඒකේ ප්‍රතිඵලයක් හැටියට 2011.06.26 දින දක්වා මයියගෙ බ්ලොග් එක බලපු වාර ගනන දහස(1040) ඉක්මවා ගියා.......................
මේදේ කරන්න සහය දීපු ඔයාලට ගොඩක් තුති!!!!!!!!
ඒකනිසා තව හොඳ සටහන් මයිය ඉදිරියේදි ඔයාලට එවනව කියල පොරොන්දු වෙනව!!!!

මේ.....ඕ....යි ඔය හතද මනුස්සයො......!

මම කලිනුත් කිවුවනේ ඉස්කෝලේ A/L කාලේ කියන්නේ සිරාම වගේම පිස්සුම කාලේ කියලා.මෙන්න මේ සිද්ධියත් ඒකාලේ වෙච්ච එකක්. මේකත් උනේ අපේ පන්තියේ!
අපේ පන්තියේ හිටියේ ටිකක් ආතල් පොරවල් ටිකක්,එයින් එකෙක් තමා අපේ අමල්.මෑන්ව දන්නේ අමල් මහත්තය නැත්තම් අමල් අයිය කියලා. ඔය "මහත්තය" කියන කෑල්ල කොල්ලොන්ට පුරුදු කරෙත් ඌ තමා, ඒ වගේම ඔය "අයිය" කියන එකත්. මිනිහ කාටහරි කතා කරන්න ගියහම ඔය කෑලි දෙක නමේ අගට දාල තමා කතා කරන්නේ. උදා:- නාලක අයියෙ, නාලක මහත්තයො....................

ඔන්න දවසක උදේම කට්ටය බුදුන් වැඳලා සෑර් එනකන් හෙන කයිය වල් ගහගෙන හිටිය. ඒත් සෑර් අද ආවෙනෑ, ඒවෙනුවට පන්තයට ආවෙ අපේ Chemistry කරන සිල්ව සෑර්. ඉතින් නාමලේඛණයත් අරන් පන්තිය ඇතුලට ආව!......

ලොවෙත් නැති වැසිකිළි සංකේත!!!

එදිනෙදා ජීවිතේදී මිනිසුන්ට නැතිවම බැරි ස්ථානයක් තමා වැසිකිළිය කියල කියන්නේ. ඒවගේම අපිට මගතොටේදි සමහර අවථාවල ඇතිවන අපහසුතා වලදි, යම් යම් ස්ථානවල වැසිකිළි ඉදිකරල තියනව. ඒවායේ ගෑනු කට්ටියටයි, පිරිමි කට්ටියටයි වෙන් කිරීමට ලෝකේ තිබෙන විවිධ රටවල් විවිධ සංකේත බාවිතා කරනවා! ඔය තියෙන්නේ ටිකක් වෙනස් තාලයේ සංකේත ඉතා ස්වල්පයක් විතරයි!
මොකද ගොඩක් ඒවා පෙන්නීමට සුදුසු තත්වයේ නැති නිසා!!!!!!!!!!!!!!!!!!!

අයිසේ! තමුසෙට පිස්සු!! නැත්තම් මට පිස්සු!!!

මේකියන්න යන සිද්ධිය උනේ මයියල ඉස්කෝලේ A/L පන්තිවල ඉන්නකොට මයියගෙ පන්තියෙ හිටිය කොල්ලෙකුට වෙච්ච ඇබැද්දියක් ගැන!
ඉස්කෝලේ සුන්දරම ඒවගේම ආතල් වලින් පිරිච්ච කාලේ තමයි A/L කාලේ, ඒකට අපේ පන්තියෙ හිටිය සෙට් එකත් මරේ මරු!ඒවගේම අපේ පන්තිය බාර සෑර් අපිට සෙට් වුනු කියාපු සෑර්,සෑර්ගෙ අනුවර්ථ නාමය තමයි මැ_ _ . හැමදාම කතාවක් දෙකක් වරදින්නේ නෑ.ඒනිසා සෑර්ගෙ පීරියඩ් එකේදි අපි මැත විතරක් නෙමේ ඉගෙනගත්තේ; විද්‍යාව, සමාජ අධ්‍යනය,ඉතිහාසය,භූගෝලය, දාර්ශණවාදය, ජීව විද්‍යාව වගේ තව එකී නොකී ගොඩක් විෂයන් ඉගෙනගත්ත.ඔය ඇති පොඩ්ඩක් වටපිටාවගැන, දැන් ස්ටොරියට එන්ටෙර් වමු!....

ඇඳක අසිරිය!!!

මෙන්න සිරා ඇඳ පොඩ්ඩක් තියනවා! හහහර්ර්ර්ර් හොඳ පොඩ්ඩ!
කාමරයේ ගොඩක් ඉඩ ඉතුරු වෙනව වගේම කාමරයට ලොකු අලංකාරයකුත් ලැබෙනව!
අනික ගෙදර උන්දෙත් එක්ක පොඩි වලියක් ගියදාට බිම නිදිය ගන්න එකත් නැතිවෙනවනේ!!!
මයියත් බැලුවෙ මේවගේ එකක් ගන්න කියල, පොඩි පොෂ් පෙනුමකුත් එනවනේ!

SHREKහි රඟන Pussගේ නවතම චිත්‍රපටය "Puss in Boots"!

                      Puss in Boots

මෙන්න තවත් 2011 වසරේ ඒමට නියමිත සිරා movie එකක්! මේකේ ප්‍රදාන චරිතය වෙන්නේ කවුරුත් හොඳින් හඳුනන SHREK එකේ හිටිය විටක දඟකාර විටක කම්මැලි Puss!
ත්‍රාස්සයෙන්, බීතියෙන් සහ සිනහව උපරිමයට තියෙන Adventure ගනයේ ‍ෆිල්ම් එකක්!
2011 නොවැම්බරයේ 04 දින මෙම අපූර්ව 3D චිත්‍රපටය නිකුත් කිරීමට නියමිතවතිබෙනව!

මෙහි අධ්‍යක්ෂනයෙන් එකතු වන්නේ Chris Miller අධ්‍යක්ෂක වරයායි. ඉතින් තව පොඩි දවසක් ඉවසමු ඒක බලන්න!

මෙන්න පූර්ව ප්‍රචාරක පටය>>>>

අවාසනාවට ඇත්ත කතාවක්!

අවාසනාවට ඇත්ත කතාවක්! 1

අවාසනාවට ඇත්ත කතාවක් තුලින් මයිය කියන්න යන්නෙ මේ සමාජයේ ඉන්න මිනිස්සුන්ට එයාලගෙ නැති කරගන්න ඕන වරදි අදහස්, ඒවගේම ක්‍රියා ගැන!
පලවෙනි කතාව මයියට ලැබුනු අත්දැකීමක් ඇසුරෙන් තමයි!

මේ සිද්ලිමන්ට් එක උනේ මයිය ලංකාවෙ තිබෙන කැම්පොස් එකකට අහම්බෙන් ගියපු වෙලාවෙ. කැම්පොස් එකේ නම ගම ඉතිං කියන්න බෑ, ඒක කැම්පොසියට හොඳ නෑනේ! ඔන්න මෙහෙමයි උනේ!

Free Hosting කරන්න නම් "10hosting"!!!!

2.Free Hosting කරමු!

බ්ලොගරයක් හා වෙබ් අඩවියක් ආරම්භ කිරීම! කියල ලියපු මයියගෙ පළවෙනි ලිපියට ගොඩක් හොඳ ප්‍රතිචාරයක් ලැබුනා!
ඒකනිසා මයිය හිතුව ඊලඟ එකත් ඉක්මනට ලියන්න, අද කියන්න යන්නෙ ‍Free Hosting කරන්න පුලුවන් එකක් ගැන!

මයිය පහුගිය කාලේ ගොඩක් ඕක ගැන හෙවුවා, ඒත් ඔක්කොම තියෙන්නෙ මුදල් ගෙවල කරන ඒව!, ඒත් google search කොරනකොට මයියට සෙට් උනා සිරාවටම වෙබ් හොස්ටින් කරන්න පුලුවන් 10hosting කියන site එක......

අම්බලන්ගොඩින් අවසන් කොච්චියේ කොලඹ යන්න හැදූ අපේ මිතුරා!!!!

අම්බලන්ගොඩින් අවසන් කොච්චිය!

කථා පෙට්ටිය කියන්නෙ පොඩ්ඩක් ඔය ඕපයක් දෙකක්, රසවත් සිදුවීමක්,පාසල් කාලයේ අත්දැකීම් එහෙම කෂ්ටියත් එක්ක බෙදාගන්න තියන ළිඳලඟ සංගමය කිවුවොත් හරියටම හරි!!!
ඉතින් හා හා පුරා කියල මේ ලඟදි සිද්ධ වෙච්ච පොඩි සිද්ධියක් ඔයාලට කියන්නම්!.මේක වුනේ කැම්පොස්යන අතරතුර.
මේකට සම්බන්ද කෙනාගෙ නම සඳහන් කරන්න නම් බැරිකමක් නෑ, ඒත් මෑන් මේක දැක්කොත් මට විසුමක් නෑ! එක නිසා මෑන්ව A කියල අමතන්නම්.(ඇත්තම නමේ මුල් අකුරත් A තමා!).......

බ්ලොග්කරණය හා වෙබ් අඩවි නිර්මාණය ආරම්භය!

1.බ්ලොගරයක් හා වෙබ් අඩවියක් ආරම්භ කිරීම!

මයියට හිතුන emoney ගැන දන්න දේවල් ඔයලා සමග බෙදාහදා ගන්න,ඒවගේම නොදන්න දේවල් ඔයාලගෙන් අහගන්න! ඉතින් මේ සේරම දේවල් කරන්න පුලුවන් වෙන්නේ ඔයාලගෙ සහය එක්ක තමා!
මේ subject එකට එන්න කලින් අපිට කරගන්න දේවල් ටිකක් තියනව! මෙහෙම කියනකොට එපාවෙනව වගේ :( නමුත් යම් දෙයක් සාර්ථක කරගන්න තියනවා නම් ටිකක් ඉවසන්න වෙනව!
ඉතින් අපි මුලසිට මෙකට සෙට් වෙමු,එතකොට අවුලක් නැනේ! :-) ........

මයියාගේ බතලේගල සවාරිය!

මයියට ගිය සතියෙ ආතල් පහේ ට්‍රිප් එකක් සෙට් උනා, ඒක මයියල කැම්පොසියට අවිත් ගියපු හතරවෙනි ට්‍රිප් එක!
මයියල ගියේ පේරෙයි,මළිගාවටයි,බතලේගලටයි! මේකේ මුල් දෙක නම් ඉතින් ඔයගොල්ලො පට්ට ගහල අතිනෙ,මේ කියන්න යන්නෙ බතලේගල කන්දෙ සවාරිය ගැන..............

Channel 4 විගඩම හා කෙටි චිත්‍රපටය!

වසර 30කට පසුව,අප රට වෙලා තිබූ LTTE ත්‍රස්තවාදයට ආයුබෝවන් කියල මෙම වසරට අවුරුදු 3 ක් වෙනව, ඒක අපේ රටේ ඉන්න ජනතාවට මහමෙරක් වගේ!
මේකේ සියලුම ගෞරවය හිමිවිය යුත්තේ, අපේ රටේ සිටින, ලෝකේ අංක එකේ විනය ගරුක, වීරෝදාර රණවිරුවානනි ඔබටයි!!!
එහෙත්  මෙම ලෝකේ තිබෙන බලලෝබීත්වය,කුහකකම සහ අමනුශිකත්වයෙන් පිරීගිය ලෝකේ දියුනුයැයි සලෙකෙන විලිලජ්ජිත රටවල් කිහිපයකට එම මානුෂිකමෙහෙවුම, ඔවුන්ගේ පීඩිත පපුවට අනිනා කිනිසි පහරවල් වනිය.
ඔවුන්ට අවශ්‍ය වන්නේ මැරුනු LTTEට දියබිඳක් දී යලි අවුලුවා අපගේ මාතෘ භූමිය අස්ථාවර කිරීමය.Channel4 යනු එම පරපීඩිත මිනිසුන්ගේ එක් තුරුම්පුවකි! එම පුද්ගලයන් දනගතයුතු කරුනක් වන්නේ,කොපමන කොල හන්ගා ගැසුවත් එම  තුරුම්පුවට නම් කිසිම වටිනා කමක් නොමති බවයි!
දැනට ලෝකයේ සිදුකරන ලද විශාලතම මුදවාගනීමේ මෙහෙවුම සිදුකරන ලද්දේ අපගේ රණවිරුවන්ය.එදා තමගේ ජීවිතය නොතකා තමාගේම දමිල සහෝදර සහෝදරියන් එම මිලේජ්ඡ ත්‍රස්තවාදීන් ගෙන් මුදවා ගනීමට නදිකඩාල් කලපුවේ සිදුකර මෙහෙවුම, Channel4 ලට පෙනෙන්නේ මොකක් වැනිද?
 ලෝකේ දියුනුම තාක්ෂණයෙන් හා අවි වලින් පිරි ඇමරිකාව,බ්‍රිතාන්‍ය හමුදා හට අපගේ හමුදාවන් සිදුකරවු මෙහෙවුම් අතිශය අබියෝගයක් වනු නොවනුමානය!
කිමද, ඇමරිකාව,බ්‍රිතාන්‍ය හමුදා හටසිටිනුයේ ලැබූ ඉලක්කයකටවත් වෙඩිතබා ගත නොහැකිව,අසරණ ඇෆ්ගන්,ඉරාක හා ලිබියා සාමාන්‍ය ජනයා පවා සමූලඝාතනය කරමිනි!
එම සාපරාදී ක්‍රියා වලට LTTEයට කත් අදින්නාවු බ්‍රිතාන Channel4හෙන්චයියලාට ඒවා පෙනෙන්නේ බෝධි පූජා කියාය.
මුලින්ම  අෆ්ගනිස්ථානය ඉන්පසුව ඉරාකය දැන් ලිබියාව, මෙසේ රටවල් හරහා නේටෝව දියත් කරමින් එම රටවල ආන්ඩුවත්,ජනතාවත් අතර ඇති බැදීම බිඳදමමින් එවා අස්ථාවරයට පත්කර තෙල් සම්පත් වැනි රටවල සම්පත් අල්ලාගනීමටය! ඒ සඳහා ඔවුන් ඔනෑම කැපකිරීමකට සූදානම්ය!
මියගිය ත්‍රස්තවාදී නායෙකුගේ දේහයට, චාරිත්‍රානුකූලව අවසන් කටයුතු සිදුකරවූ ආකාරයෙන්,අපගේ රටට යිමිවන්නේ ඉහල ගෞරවයකි!, එය ඇමරිකාව ඔසාමා බිල්ලාඩන්ගේ සිරුරට කල නින්දිත ක්‍රියවට මරුපහරකි!
එවන් උතුම් හමුදාවක් සිටිනාවූ අප රටෙහි යුධ අපරාධ සිදු වුනේ යැයි පවසීම, හතර විලි ලැජ්ජානැති ක්‍රියවකි!!!
ඇමරිකාව,බ්‍රිතාන්‍ය හට පැවසිය යුතු දෙයක් ඇත!
නුඹලා තලන්නේ හැමදාමත් තැලෙන රත්වූ යකඩෙමය,නමුත් නුඹලා නොදන්නා දෙයක් ඇත;කිමෙක්ද එම යකඩයට පන්නරය ලැබෙනවා මිස බාල වීමක් සිදුනොවේ!!!
අපි සිංහල ජාතියයි,උන් කිසිදා පසු නොබසී! බ්‍රිතාන්‍ය හට නම් එය, අපගේ ජාතික වීරවරුන් මැනවින් පසක් කරදුනි!
තවද, අපගේ ජාතික කොඩියේ සිටිනුයේ මීයෙක් නොව කඩුවක් අතැතිව ඇති කේශර සිංහයෙකි,එහි ඇත්තේ අපගේ එඩිතරකම,වීරිය මිස නුඹලාගේමෙන් බියගුලු කම නොවේ!!!
ඇමරිකානුවනි!, බ්‍රිතාන්‍යයනි!
අපි ලංකා මෑනීන්ගේ දරුවෝ වෙමු,අප කිසිදා නැසිය
 නොහැක!!!!!

මේ ගැන විස්තර බලමු BBC News වල

The Hobbits

මේ කියන්න යනදේ නම් ලොකු පොඩි කාටත් සතු‍ටු වෙන්න පුලුවන් News එකක්.The Lord of the Rings කතා මලාවේ සිවුවන දිගහැරුමේ movieඑක සෑදීමට පටන් අරන් ඉවරයි!.............
ඒක අහපු මයියට නම් ෆුල් happy!!! ;මොකද Lord of the Rings තමා මයියගෙ හිත අදිල ගියපු සිරාවට කිවුවොත් පට්ටම පට්ට fantasy & adventure type එකේ movie එක!!!!!!!!!!!!!

මේ පොසොන් සතියයි!

 2600 වන බුද්ධජයන්තිය මේ වසරේ යෙදී තිබෙනව.එනිසා ලබන 15වනදාට යෙදීඅති පොසොන් පුරපසොලොස්වක පෝ දිනය වෙනුවෙන් අපිත් පිලිවෙතින් පෙලගැසෙමු!!!

මයියාගේ සටහන්

හාහා පුරා කියලා මයියට බ්ලොග් එකක් ලියන්න කියලා හිතුන.ඉතින් මට හිතුන මෙකට ''මයියාගේ සටහන්'' කියල දාන්න, ඔනමදේකට නිධාන කතාවක් තියනවනේ අපේ කොල්ලො මට තියපු  නම තමා ඕක.

අපේ කොල්ලොත් හරි හරියට බ්ලොග් ලියන්ට පටන් අරන් තිබුන,එන පොට හරියන්නෙ නෑ කියල මාත් බැස්ස වැඩේට මට මේ සිද්දිය ගැන සිරාවටම  නොලේජියක් තිබුනෙ නෑ මම හිතුවෙ ෆුල් සීරියස් කියල ,බුට්මෙක එච්චරම අවුලක් උනේ නම් නැ. හැබැය් පුතේ මම පොර ටෝක් දුන්නට මම ඔස්තාර්  කෙනෙක් නම් නෙමේ!වෙබ් ඩෙසිග්න්ගැන ඉගෙන ගන්න ආසාව ආවෙ මේ එක්කම තමා, ඒවට නම් ඉතින් Ebooks පිහිට තමා.